LAOS NORD 2011

Per Flugzüg si mir nach churzer Zit in Luang Prabang acho.

Mitem Schwizerpass zaut mä glücklecherwiis ke Visagebürä. Ds ireise in Laos isch sehr eifach gsi.. Si nämes nid so sträng ir Immigration.

Luang Prabang ligt im Bärgigä Nordä vo Laos.

Ds Zäntrum wo es UNESCO Wäutkulturerbe isch, ligt zwüschem Mekong ud e Näbefluss Nam Khan.

LP isch ds Handuszäntrum für Riis, Kautschuk u Teakhouz. Witter wärdä handwärchlechi Produkt wi Houzarbeite, Textilsachä u Papier härgsteut wo jede Abä ufem grossä Nachtmärit verchouft wärdä.

Luang Prabang isch ds gröschtä Usbiudigszäntrum in Laos für Mönchä.  Es läbe sehr viu Mönchsnovizä miteme Auter bis 19 dert. D Mönchä tragä 1-teiligi Tüecher u d Novizä müesse 3-teiligi Tüechergwänd tragä. Viu Novizä wärdä scho früeh us Chind  vo dä Euterä is Chloschter bracht, damit si e Usbiudig bechömä. Mit afangs 20i isch d Grundusbiudig vo dä Novizä beändet und "die Mönchsweihe" cha vouzogä wärdä. Ir längä Zit vor Usbiudig bechunnt dr Novizä o sini akademischi Qualifikation u cha säuber entscheidä, ob är witterhin Mönch wott si oder zrügg i sini Heimat geit zum sis Wüssä awändä.

Jedä Morgä früeh, gö d Möchä uf d Strass, mitere spezieuä Schalä, wo numä si dörfä berüehrä zum sogenanntä "Almosengang". Si loufe dür d Strasse u bechömä Ässä für 2 Mauzitä am Tag vo dä Glöibigä. Di Glöibigä chöi Verdienschtä für ihres Karma drführ becho.

Erfahrigsgmäss isch dr hütig Mönch sehr modern.

Är geit id Pharmacie, ufem Märit go ichoufä, het es Händy woner telefoniert drmit, benüzt Tuk Tuk oder Taxi zum mitfahrä, ret mit dä Lüt..

Z aueriwichtigschtä isch, dass e Frou amene Mönch nid darf acho!

Das widerum isch e wahri Fröid ufeme zimlech zuegstopftä Märit..

mmmh..

- Ris, Pulet u Morning Glory (Wasserspinet)..

- ä feine gmischtä Täuer mit Ässä arä Strassächuchi..

- di beschti Nudusuppä wos git uf dr Wäut bimene Knorr-Müeterli am Märit..

- grilliere was umä isch..

Usserhaub Luang Prabang si mir ufeme Tagesusflug ines Elefantecamp u si e Stund im Chrattä umekutschiert wordä.. Aschliessend miteme Longboat ufem Fluss gfahrä.

A dä "Tad sae waterfalls" hei mir ds schönä warmä Wätter gnossä. E Usfahrt mitem Velo.. Die Atraktion für di Iheimischä.

Äs beliebts Verchehrsmittu isch z Tuk Tuk. Sehr praktisch, sehr windig u lut.

Aber achtung, mä cha de o z wiud freesä..