KANADA 2012

Ufemene 4 tägige Usflug simer hurti über d Gränze nach Kanada. Mir si di vile farbige Loubböim ga luege. Gad i dere Zit hets bsungers die extrem rote Ahornböim. 

"indian Summer"

E Huufe See, Waud, Böim...

Fasch e chli Zermatt in Kanada ischs ds Mont Tremblant... Miteme chline Bähndli simer i paar Minute dür z Dörfli gfahre uf di angeri Site. Me het e schöni Ussicht weme chli dr Hoger z deruf louft u feini Miuchscheiks gits dört.

D Farbe vo de Böim. Da het me fasch nümm chönne ufhöre luege u fötele. Mir hei Glück gha u gad dr "Indian summer" verwütscht. Dr Indian Summer isch e ehner usergwöhnlechi trocheni u warmi Wätterperiode im späte Herbst. Derzue chunnt e chnütsch blaue Himmu und e intensivi verfärbig vo de Bletter. D Blattverfärbig geit vo gäub, rosa, rot, orange, häugrüen, grüen bis brun.  

Ussicht uf Mont Tremblant - Village

Ou Eichhörnli hei gärn Pommes!?

Ungerwägs...

E churze Abstächer i d Houptstadt Ontario het nid dörfe fähle, we me scho drann verbi fahrt! Ds Regierigsgeböid isch auso fasch so schön wie ds Bundeshuus - aber äbe nume fasch...

Nach däm Kanada-Usflug si Mir mitere Röschti empfange worde. E super Istimmig für d Schwitz.