THAILAND NORD / ZENTRAL 2011 / 2012

Dr Bus wo üs ad Gränzä vo Laos zu Thailand bracht het isch super gsi.

Di erschtä 5 Stund nume Kurvä u Schlaglöcher. Di nägschte 5,6 Stund numeno Kurve u schnäu..

Irgendwenn am Morge simer umgstige ufnes Tuk Tuk wo bis zum Mekong gfahre isch. Dert mitem Schiff über d "Gränzä" nach Thailand. Witter si mir miteme chliinä Pickup-Taxi u ca 15 Thais drinn, druff, drann a di nägschti Busstation u vo dert us mitem Mini Van nach Chiang Mai.

Üsi Coiffeuse wo mir spontan nach de 20.00 ufgsuecht hei..

4 Mau Haarshamponiere, Chopf, Nackä Gsicht- Massage.. Brutau, versteitsäch..

Miter Klingä und em Streckisä sisi drhinger..

Tataaaaa... gsehsch us wine Asiatin une Asiat..

A eim Abä, si mir ir Baan Thai Kochschueu gsi. Dert hei mir 4 Menü chönnä useläsä wo mir aschliessend gchochet hei. Aschliessend si mir mit üsere "Ladyboy" "Chochlehrerin" ufe Märit go di verschidene spezieue Gmües, Frücht,  Chrüter etc vo Thailand luege. Mir wüsse itz auso, dases dr Thai-Koreander isch wo üs Tagelang aube z Ässä "versouet" het.  I chline Gruppe heimer di schnäue u feine Menues vo Hand oder ufem Gasherd im Wok zouberet.

Papaya Salat, Kokosmiuch Suppä mit Huehn, Riis mit Gmües, Chiang Mai Nudlä etc.

Mitem Nachtbus si mir witter nach Bangkok..

Siuveschter in Bangkok..

Ke Kommentar.. über irgendwelchi Videotelefonat mit Anja u Michi.. ;-)

"Mae Klong" Märit usserhaub vo Bangkok. Aui hei ihri Ständ bis füre ad Schinä u d Decher usklappet. Ca. 8 Mau pro Tag fahrt dert dr Zug zmitz dr dür. Denn wärde aui Sachä hingere gruumt oder zogä, aui Decher ufeklappet. Dr zug fahrt knapp näbe eim

verbi, streift dr eint odr dr anger Märitartiku.

Amphawa-Wassermärit usserhaub vo Bangkok. Dank däm, dass denn Sunntig isch gsi hets seeeehr viu Lüt ufem Märit gha. Die meischte "Äss-Ständ" si ufem Wasser gsi. Ufem Boot hei si grilliert u ds Ässä zuebereitet. Dr räschtlech Märit isch entlang vom Ufer ufem Stäg gsi. Weni Platz zum angerne Fuessgänger uswiiche u natürlech ohni Gländer...

Ds Siam Ocean World isch im ungerschtä Stock vom riisige Siam Ichoufszänter. Es het unger angerem Wasserpflanzä & asiatischi, spannendi, chlini, grossi Fischä gha. Dr riise Chrebs isch scho fasch chli gruusig gsi..

Mönche, Tämple, Röicherstäbli, gäubi Bluemechränz u Buddha-Statue hets o ds Thailand sehr viu... Immer widr faszinierend u schön zum fotografiere oder luege.

Mit jedem Tämpubsuech hei mir chli meh i buddhistisch Gloube ichegseh u verstöh so z eintä oder z angere Rituau besser.  

Nichts tun in Bangkok..