LAOS SÜD 2012

Mitem Nachtzug si mir vo Bangkok us Richtig Ubon Ratchathani. Dert si mir am Morge mit 2 1/2 Stund Verspätig acho u hei e chline Taxi-Pickup quer dür d Stadt müesse nä zum überhoupt a di nägschti Bussttation ds cho. Ar  Busstation hei mir näre dr Bus nach Pakse (Laos) weue nä. Dä wär aber ersch i 5 Stund gfahrä. So hei mir d Idee vo angerne Reisende umgsetzt u hei üs miteme angere Päärli (Holland vs. Australie) es Taxi bis zur Gränzä teut. Dert si mir us Thailand usgreist u dürne Märit "Duty free"?!? zur Laotische Gränzä glüffe. Wo mir üsi gstämplete Päss hei entgäge gno, het dr Gränzbeamt am Schauter Nr. 6 ca. 1.30.- pro Stämpu weue. Mir hei ihm wehement verneint bis är "bättlet" het, ihm Gäud  z gä. Somit üsä erscht Kontakt zu korruptä Gränzbeamtä.. (ps. zaut heimer nüt).

Nr. 6. dr korrupt Schauter

Gad us erschts isch üse Rächner i Gebruch cho. Wi viu zahle mir für ds Taxi vor Gränze witter richtig Pakse..?!

Ds Pakse hets grundsätzlech nüt spannends u schöns gä zum luege. Paar Mönchä, paar Turischte wo uf de Strasse si ungerwägs gsi.

Mir hei darum e Tagesusflug gmacht ufs "Bolaven Plateau".

Mir hei e Grüentee und Kaffee Plantage bsuecht mit aschliessendem deguschtiere..

Wärs gärn het... Bittere Tee, übersüesste Kaffee mit Kondänsmiuch... (Kotzemiuch, gäu Schüppi...) 

Witter si mir zum höchschtä Wasserfau vo Laos schoffiert wordä.

Aschliessend hei mir e wittere Wasserfau paar Kilometer witter bsuecht. Irgendwo im Chrutt ussä, hei mir es chlises Dörfli bsuecht mit ca. 700 Iwohner.

Paar Faktä:

- dr Guide wo üs drdür gfüehrt het, het feiechli e "beruuschtä" Idruck gmacht..

- i däm Dorf fö d Chind scho mit 4ri afah Tabak im Bong roukä.. 

- d Iwohner machä zwüschä 30 u 40 ihri eigete Särg parat u lagere die unger ihrne Hüser..

- die Iwohner wo mit Riis handlä, hei Paumbletter-Hüsli u die wo mit Kaffee handlä es Houzhüsli. Beidi Artä vo Hüsli stöh uf Stäuzä..

- d Männer wo viu Gäud hei, hei es Houzhüsli. Si chöi sich bis zu 4 Froue "zuechetue". Mit jedere Frou cha är Familie ha wo seperat imene Zimmer läbt..

- d Hüehner lege ihri Eier säubschtändig i spezielli Chrattä wo si adä Hüser agmacht hei..

- Strom u Satellite-Schüssle kenne si auso..

Mir hei witteri chlini Wasserfäu gseh u si ines Dörfli wo Froue Tischlöifer, Haustüecher etc. säuber wäbä.

Vo Pakse us simer miteme Mini "mini mini" Van nach Ban Nakasang. Dert hei mir ds Böötli müesse nä für nach Don Det. Don Det isch eini vo 4000 Inslä im Mekong.

Bis vor 3 Jahr hei si uf dr Inslä ke Strom gha. Nume am Abä für ca 2 Stund hetme d Stromagregaat aglah. Itze hetme fasch überau 24 Stund Strom u zum Teu sogar Internet.. Das jedoch funktioniert nach Lust und Laune sehr laotisch!

Ä tüpischi Tanksteu uf dr Inslä

Uf dere Inslä bechunntme o ganz unfreiwiuig Hustier..

Spinnelä, Frösche bim duschä, Schlange, Chatzä wo üs während em Ässä fasch Pouselos  u unufhautbar abättlet hei. Nid z vergääse si d Geckos wo feiechli schwär si erfahrigsgmäss.. Wi mängem gheit scho e Gecko ufe Gring..!!!!!!!!

Sunneungergang am Mekong. Was machtme o angers uf sore Inslä as däm frööhnä u es Bier trinkä?!

Ischmä chli uf dr einte odr angere Inslä ungerwägs, trifft me z einte odr z angere luschtige a.

E Paume wo gad gfäut wird, e Huufe frei umhärloufendi  Hüehner oder Gäns wome cha überfahrä, Chinder wo badä, spilä etc.