AUSTRALIEN SÜD / OST 2012
Üsi erschti Adrässe in Australie isch Adelaide gsi. Mir si dert 6 Nächt i Jugendherbärge gsi u hei mau Zit gha zum "Ferie" machä u überlegä wis uf üsere Reis seu witterga.
Bimene churze Bsuech im "South Australien Mueseum" heimer de scho dr erscht Iblick i ds nöie Land becho.
Mitem Greyhoundbus si mir am Oschtersunntig Abä vo Adelaide nach Melbourne gfahrä.
Ca 10,5 Stund si mir ungerwägs gsi u am Morge am 6.30 am Busbahnhof acho.
Da Oschtermäntig isch gsi isch aus natürlech no zue gsi u somit hei mir üsi Zit ire usgstorbnige Stadt verbracht.
Ds autä u berüemtä Spiu "Pac man" ufm riise Display.
In Melbourne, natürlech im üsserschtä Industriegebiet hei mir üses Outo abghout.
Da mir mit Zug u Bus agreist u schwizer si, si mir wider einisch meh z früeh gsi. Jim isch no vou dranne gsi üses Outo nomu z kontrolliere. Nöii Brämsä, nöii Rückliechter, nöii Pneu. Guet so, mir hei o chli öppis vor mit dere Pännä.
Dr Namä vom Outo "Holst". Das jedoch het üs natürlech nid passt u es liit nid fern, das mir z Outo uf "Horst" touft hei.
Scho am erschtä Abä hei mir müesse ds ganze Outo ufe "Chopf" steue.
Umtischä u ussortiere was nid bruucht wird. So zum Bischpiu bruche mir nid Bsteck für 15 Lüt!
Am 2. Tag mitem Outo ungerwägs hei mir du scho di erschtä wiudläbende Koalas gseh. Ca 14 Stück. Es hät no hennä viu meh gha, aber nach meh aus 1 Stund id Böim luege hei mir gnue gha u dr Äckägstabi hetsech gmäudet.
Es geit o fasch e haubi Ewigkeit bissech sone fulä Koala mau bewegt u zum Fueter griift oder ine angeri Position hiift.
Einä isch garnid so witt obä gsi u mä hättnä fasch chönnä alängä...
Great Ocean Road
Di wou berüemtischti Küschtestrass zwüsche Adelaide u Melbourne wo ca 250km läng isch. Ar ganze Küschte entlang hets Surfer da schinbar d Wäue vo de beschtä uf dr ganze Wäut sege dert. Mir wei einisch meh garnid wüssä wi das ganze ir Houptseson usgseht. Wivu Lüt sich a au dene Sehenswürdigkeite u Stränd tummlä u wie saftig d Priisä fürne Campingplatz oder so si!
Di zwöuf Aposchtlä
Ds si Steinä us Chauch wo ca 60 Meter höch si u usem Wasser useluegä.
D Houptatraktion bide Turischte. Vorauem bi Sunne uf oder Untergang.
The London Arch
Bis 1990 het ds no London Bridge gheissä wiu är e Doppubogä het gha. Wo zwöi Turischte damaus drüberglüffe si u sich ganz usse befunde hei isch dr Bogä zum Feschtland igstürzt u si hei müesse grettet wärde mitem Helikopter. Das när numeno 1 Bogä het gha heisis i London Arch umtouf.
The Grotto
Ä vom Meer usegspüuti Höhli.
Über d Great Ocean Road si mir du i Grampians Nationau Park gfahre wo mir du nach wenige Meter di erschtä wiudläbendä Kängurus gseh hei.
Kängurus am Strasserand u ufem Camping. Fridlech frässend näbem Outo, unbeidruckt vo aune Mönschä rundum.
Näbscht de Kängurus si mir ono uf zwöi Emus gstoossä ufem Camping wo mir du lieber us dr Ferni beobachet hei.
Mir hei dert paar Wanderige gmacht zu verschidene Ussichtspünkt.
Bewiismateriau für d Polizei..
Da d Marina ihri Brüue in Adelaide het müesse zum Optiker bringe u die ersch nach Tage in Melbourne itroffe isch hei mir dämentsprächend gnue Zit gha zum no chli um Melbourne umeblääterlä. Mir si nomau as Meer achä, mit dr Fährä gfahre..
, ade Stränd entlang, id Shoppingzänter etc.
Uf üsem Wäg vo Melbourne nach Sydney hei mir "Penny the Pelican" atroffä.
Täglech stehts bereit am gliche Ufer, wartend näbe de Fischer wo öppis föh u ihr öppis zum schnousä hei.
Immer widr chli träffe mir Kollegä vo Penny..
evt si ds Sheldon u Leonard?!
Öppe die eis ghöre mirs knabberä näbem oder ungerem Outo..
Sydney
Eigentlech hei mir no nid id Stadt weue da mir de im Juni no paar Tag in Sydney hei nachdäm mir z Outo abgä. Jedoch hei mir üs derte miteme Päärli troffä (Belgiä, Portugal) wo mir in Thailand hei lerä kennä. Während mir in Neuseeland si gsi hei si e Tur dür Indonesie gmacht u bsueche Verwandti in Sydney.
Mir si dür d Stadt glüffe u hei di interessantischte Museeum bsuecht..
..werum o immer d Securitilüt enand zuegfunket hei das mir ds Geböide verlöh..
so dumm heimer aso garndi ta!
Im Botanische Gartä si mir uf Flughünd gstossä.
Nid Flädermüüs sondern Flughünd.
Di si Dämmerigs oder Nachtaktiv u düre Tag hange si Chopfüber am Ascht.
Im Gägesatz zu Flädermüüs hei d Flughünd ke Echoortig (Ortig dür ussändendi Schauwäuä) und si hange a exponiertere Plätz.
Tinu het ä Vogu..
Mängisch o zwe oder meh!
Obwou di meischtä Kakadus im Botanische Garte wiud si wüsse si genau wo dass si öppis zum knabberä bechöme.
Si flüge eim ufe Arm, ufe Chopf, warte geduudig bisme d Hand widr usem Jaggesack nimmt. Oder si knaberä eim am Finger oder ar Kaputzä ir Hoffnig uf öppis ässbars.
Ds Operähuus vo Sydney
Ide 40er Jahr hei d Syneyaner gfunde si wettä gärn es Operähuus ha.
Ire internationale Usschribig het einä vo Dänemark mit sim schäbig gmaute Entwurf gwunnä.
Zur finanzierig heisi e Lotteri verastautet u e finanzieui Ischränkig hets am Afang nid gä.
1959 hei d Bourarbeitä agfange no bevor aui Chöschte usgrächnet si gsi.
Oft sisi dazumau mit dr Dachkonstruktion a Gränzä gstossä.
Mehreri Compiuter hei über 18 Monet lang d Dachchrümmige berächnet u meh as 44 Zeichner hei über 1700 Plän agfertiget. Ds Dach besteit us glasierte Keramikfliesä importiert us Schwedä..
Di stigendä Bouchoschtä hei zu Spannige gfüert zwüschem Architekt u dr Regierig vo New South Wales u het drzeu gfüert dass jehnschti Gäuder gstriche si wordä. Dr Architekt het sis haubfertige Bouwärk verlah u e jungi Gruppe Architektä heisech ad Innekonstruktion gmacht.
Statt im Jahr 1965 sisi ersch 1973 fertig wordä. D Queen Lisä vo Ängland het di Operä höchschtpersönlech u mit viu Tamtam eröffnet.