AMERIKA WEST 2012

Nachere Übernachtig am Flughafe hei mir dr ÖV vo LA bruucht. Günschtiger aber uf au Fäu zimlech umständlecher... D Bösse in L.A si nid bedacht mit Absteuplatz für 1 oder 2 Ruckseck..

Nach chli sueche bi summerleche Temperature hei mir de ds Hostel gfunge in Venice Beach.

Dr Venice Beach Boardwalk, zimlech bekannt u zimlech viu spezieui Lüt, Künschtler, Sportler, Säubschtdarschteuer und un-identifizierbars..

Sunntig isch dr Tag vom "Sehen und gesehen werden".

"Do what you like to do!" isch z Motto! 

- Basketbau i Ungerwösch

- Tanze was z Züg het

- Rouschueh fahre u tanze schiint wider inn z si

- Trümele, rasslä, tanzä mit aune Mittu u Drogä am Strand

u mir natürlech geng mittendrinn statt nur dabei!

Mitem Miet-Velo names "Biitschkruuser" hei mirs de bis nach Santa Monica gschafft. Isch zum Glück aues äbeswägs gange.

Ds Santa Monica Pier, es `Must do` weme ds LA isch.

O we me schomau gsi isch.

Dr unmusikalischt u schreckiflössendscht Clown wos git uf dr Wäut..

Mir finde we e Clown 10 Minute am Stück i 1 Tonlag gspiut vom Kibord über Droge, Polizei u Proschtitution rappet u derbi hin u här springt sötter nidno Chind zuewinke..

Zu üsem Glück heimer per Zuefau no e Pomi gseh!  P!NK wo mir scho mehreri Mau live hei gseh mit ihrer Tochter Willow.

Wider mau es Päckli schicke mit Sache wo me grad nümm brucht u gnadelos üsi Ruckseck verstopfä!

Dä cheibe Papirchraam immer... Di Agschteute hei sichtlech Fröid gha so 5Minute vorem Fyrabe no es Päckli z bearbeite . Zum Glück isches einiges günschtiger u schneuer aus die Ouschtralischi Poscht.

Mitem Greyhound-Bus simer vo Los Angeles nach Las Vegas. Wiso ou immer me da 2 Meter Tickets überchunnt!?!

Na ja, mir si ds Amerika u da gits vo auem chli meh...

Nachdäm mir die haubi Nacht no am Busbahnhof hei verbracht wiumer z früeh si acho, hiemer üs de no chi chönne ga erhole im Motel befor mir am nägschte Tag per Privattaxi si abghout wordä..

Üses Hotel für di nägschte paar Nächt isch scho organisiert gsi u ds dazueghörige Empfangs-Apèro!!!! Merci nomau ad "Party of Hofer" Anja u Michi!!!!

Zum Glück si d Brünneli u dr Ghüderchübu so gross gsi. Süs hättemer ächt no müesse d Badwanne füue..!!

Ou mit weni Iisatz chame öpis gwinne... Villech

Fröidechind

Äbä, z Amerika isch aues e chli grösser..

2 Margarithas für logischerwiis 2 Frouä

u amerikanisches Ässe für au

"Party of Hofer"

How much in your party?

Always 4!!

Merci für dä super Helikopterflug u di viu z vile Schämpiscüpli woder abgsaahnet heit Gielä!!

Vegas bi Nacht vo Obä..

Ein Stück Deutschland in Vegas...

Das Hofbräuhaus!

C wi Copperfield, Copperfield, Copperfield!

David Copperfield Show...

Sit ca 10 Jahr di glichi Show fasch jede Tag 2x. Eigentlech vou doof. Aber dä Cheib cha zoubere!

U was macht me am Tag bi +/- 40 Grad u stoubtrochener Luft?

Genau, im Pool umehocke...

Ungerwägs in Las Veags

Ds Bellagio-Wasserspiu bi Nacht

Deal or no Deal im MGM isch zu mim Lieblingsschpiu worde. Wenigschtens chli öpis heimer gwunne.

Ussicht usem Hotel ufe Las Vegas Strip 

4 Täg Vegas u scho isches wider witer gange. Miteme Nachtflug si mir einisch quer über ganz Amerika nach Florida.

PS.: Faus ihr mau Luscht uf Las Vegas bechiemtet. Dänket a d Taxe u ds uverschämmte Trinkgäud zwüsche 18-20% wosi eim eifach so uf d Rächnig chlatschä!