ITALIEN 2018

Los geits.

Eigentlech zimlech spontan i Richtig Italie.

Zieu: Region Ligurie, Nationaupark Cinque Terre.

1997 isch Cinque Terre zämä mit Porto Venere zum UNESCO-Wäutkulturerbe ernannt wordä.

Monterosso al Mare isch eini vo dene Cinque / 5 Länder / Ortschaftä.

dert heimer üsi chlini Feriewohnig gha.

Am erste Tag simer mitem Zug scho nach Riomaggiore.

Garnid so eifach:

- henne viu Lüt

- verspäteti Züg

- e Billietoutomat wo für 2 Billiet öpe 6 Minute brucht

- es aschlissends komplizierts Entwärtigssystem..

Riomaggiore

Het ca 1550 Iwohner, ir Houptsaison o scho mau bis zu 20'000 wi ide angere umligende Dörfer o. Lago mio!

Ungerwägs..

Never ending Stägeloufä! Immer guet weme cha Pouse vortüüschä für z Fötelä.

Üses Ziu:

Insgheim eigentlech das:

Härzigs Stedli, oder?

Sehr spezieu, das heimer eigentlech no niene uf dr Wäut gseh.

E Zug wo überhoupt so nöch am Meer entlang fahrt und e Bahnhof am Meer.

Bimene flotte Drink ds Warte uf ds Schiff füre Rückwäg verchürzt..

Huiiiiii, nei merci die Lüüüt..

Hätme ds gwüsst wäres sicher meh Drinks wordä..!

Riomaggiore vom Wasser us..

Manarola, Vernazza, Corniglia usw.

Scho mau ga vorluege womer de di nächste Täg usehäbe.

Zum Znacht e Pizza..

Dass me d Rächnig chli besser vertreit gits no es Limoncello.

Proooost!!!

Lustigerwiis ischs nid müglech "im Momänt" mit Charte z zahlä heisi üs gseit.

Komischerwiis isches irgendwie de di ganzi Wuche nid gange, egau i welem Dörfli. Bar chame natürlech e bessere Gwinn machä.

Nöie Tag, Nöie Zug..

Nöii Stadt, nöii Wanderige..

Leider si mir chli ds spät gsi. Dr Bluemeverchöifer duet aube sini Blueme inkl Priis mit Tenor-Gsang a d Chundschaft bringe.

Vernazza, o dört hets viu Turischte. Z viu.

Nicht auszudenke wis im Summer ir Hochsaison isch!

852 Iiwohner u isch öppe um 1000 gründet worde.

Spaghetti u Trofie, einisch italiänischi u einisch ligurischi Spezialitäte.

Ändi Oktober 2011 si nach heftige Unwätter richtigi Bäch dür d Gasse vo Vernazza gflosse u hei zimlechi Schäde agrichtet.

D Wanderschueh si montiert, Vernazza - Monterosso..

3,8 KM e gäbige Wanderwäg mit knapp 400 Höhemeter, dür Wäuder, Wise u Räbe.

D Ussicht u d Ussichtspünkt si sehr schön gsi - het sich glohnt die paar Stund ds loufe.

Ankunft in Monterosso..

Ds wohuverdiente Getränk mit Güx..

Oder besser gschribe in Mehrzahl.

Manarola

Müglecherwiis isch Manorola dr eutischt Ort vo Cinque Terre. D Grundsteilegig vor Chiuche isch ganz sicher uf 1160 datiert. Bide angere Dörfli weismes nid so gnau wi hie.

Weme in Cinque Terre ungerwägs isch, isch eis klar:

me macht Sport.. Me stigt Stägetritte aus gäbs ke nächste Morgä me!

Derführ e gueti Ussicht..

Zur Belohnig u wius so fein isch no e Glace..

Corniglia

Bis hie isch ds Sportprogramm es iloufe gsi. Aus einzigs Dörfli isch Corniglia nid am Meer sondern ufeme öppe 100Meter höche Bärgvorsprung. I gfüute Trimillione Billione Stägetrittä ar bräntige Früehligssunne simer vom Meer ufepiugeret.