GUADELOUPE 2019

Bonsoir France / Guadeloupe.

Guadeloupe ghört wie Martinique zu de sogenannte "kleinen Antillen" u zu de "Inseln über dem Winde". D Inslä wird no hüt vo de Iheimische Gwada gnennt. Guadeloupe isch aus Überseedépartement und Region Frankrichs e vouintegrierte Teil vom französische Staat u somit Teil vor EU.

Ca 90% in Gwada si afrikanischer oder gmischter Abstammig, ca 5% vor Bevöukerig si Wissi (mehrheitlech aues Europa-Franzosä) Inder, Libanesä oder Chinese mache zäme weniger aus 5% us. Ersti Besidligä uf dr Inslä chöi bis 4000v. Christus nachegwise wärdä. Öppe um 100v.

Nachere lengere Fahrt simer bi üsere erste Unterkunft acho. Immer wider spannend wasme am Morge druf aues entdeckt u gseht.

Saut d'Acomat

E hübsche Wasserfau mit flottem Pool zum bade drinn.

Wie meischtens chönnte meine me isch allei amne schöne Ort, aber hie ischs defintiv nid so gsi..

Überau Europäischi Franzosä.

Zwöi schöni Sachä uf einisch ;)

Bougainvillea / Drillingsblume

Wär die ir Schwiz winterhert, wür sowas üses Grundstück überwucherä!

Schnorchelusflug im Reservé Jaques Cousteau

Eis vode schönschtä Meeresschutzgebiet vor französische Karibik.

Ersti Rundi, ganz chli erkennbar e Schiudchrott wo hie umenand eher e Rarität seg.

Zwöiti Rundi..

Miteme chline Spasspunch heimer nachegforscht wasmer aues entdeckt hei.

Ab zur Walbeobachtig.

17 verschideni Sortä Walä hets um Guadeloupe.

Einigi heimer de nach langem suechä gfundä. Immer i Begleitig vo Delfinä.

Ufm Heimwäg jede Wasserfau luege wo uf dr Route ligt..

Cascade aux Exrevisses, leider viu z chaut zum ga badä.

Stou uf dr Strass cha super si. Me het Zit zum Kokoswasser choufä!

Ungerwägs..

D Wasserfäu vo Carbet

Dr Christoph Kolumbus söu die Wasserfäu bi sire Akunft in Capesterre- Belle- Eau im Jahr 1493 gseh ha und sie aus rise grossi Quellä beschribe ha wo ds Wasser auf aune Site dr Bärg ab gströhmt seg.

Nur vo wittem si zwöi vo drü Wasserfäu sichtbar. Dr dritt isch witt hinger, obä im Näbu verschwundä.

Es het grägnet, aues isch nass u rütschig gsi. Beschts Wanderwätter für Horbers - es isch tatsächlech no aspruchsvou gsi dür aui die rütschige Partie..

Hie wär e wittere Wasserfau es Ziu gsi. Nach mehrere Meter heimer das ganze us Sicherheitsgründ abbrochä. Immer sterchere Räge und dr Wäg isch geng wi meh zum Fluss wordä.