FRANZÖSISCH POLYNESIEN - BORA BORA 2017
Dä Aflug isch für üs eine vo de Beschte wo mir jeh gseh hei.
Nid z letscht wiu mir ja uf dr richtige Site si ghocket.. ;)
151°44`West
16°29`Süd
Koordinate vom Pardies..
No i de Flitterwuche näme mir lieber die gwöhnlechi Fähre nach Vaitape u när no ds Taxi zum Hotel, statt ds direkte Böötli zum Hotel..
Me wott ja ou no chli Insu-Feeling ha u nid nume i ds Hotel gstoossä wärde.
Es isch immer no schad chame zu Biuder ke Duft afüegä.
Ds erschte Hotel am Marara Beach isch scho zimlech schigg gsi.
Vorem Znacht heimer üsi Füdle no hurti müesse ga i Hotel-Pool ha.
Chli dür d Alag strielä u de es feins Znacht mitere Hordä unaständige Chinese.
Ds letzte Mau hei mir dr Schnorchu-Usflug mitemene Iiheimische ire meh bessere Nussschale gmacht gha. Dasmau simer mitem Schnäu-Boot umeghönteret..
Over-Water-Bungalows hets zimlech viu hie, praktisch jedes Hotel het.
D Ungerwasserwäut ds Bora Bora isch no witgehend intakt. D Koraue-Bleichi isch weniger wit fortgschritte wie angerne Orte, was aber nid heisst, dass me se nid gseht.
Villich macht da grad dr Peter Reber haut..?!
Nächste Stop für ds Schnorchle, Tiefi vom Wasser ca 15-25 Meter.
E ganzi Familie vo Eagle-Rays (Adlerroche).
Sie chöi e Spannwitti vo bis zu 330cm ha u 180cm läng wärdä - ohni Stachu / Schwanz.
Zum Glück hei sich aui a d Reglä ghaute u si nid z nöch oder z hektisch zueche. So heimer di Gruppe schön langsam chönne verfougä.
E spezieui Spezies mit 2 Flosse.
Fische hets einigi gha. Mir hei chli Brot übercho u so sisi natürlech no viu necher aus süs cho..
I LOVE BORA BORA
Das isch üs definitiv scho bim erschte Bsuech passiert!
Wobi me duerzue mues sägä, denn isches no viu weniger Turistisch gsi..
Üse erscht Manta-Roche! Er isch zwar rächt schnäu umezoge, dass me het müesse luege, dass me mit möge het. U ire töifi vo 20 - 30 Meter ischer de o nid so klar sichtbar gsi. Aber für ds erschte Mau wei mer nid jammere.
Da hocktme no so entspannt uf däm Gucci- Böötli u de
passiert das, wo eim nid unbedingt wett passiere - ke Bänzin meh.
Die zwe Jungs si sich o nid sicher gsi, obs d Schrube verdonneret het, dr Motor glüpft oder süsch öpis. Mir hei nämlech gad zur gliche Zit irgend e Plastigkanister überfahrä. De isch ke Bänzin meh ha, no die am wenigschte schlimmschti Option.
Nach öpe 45 Minute und ere riisige Bruse Rägä u Wind het de eine e Kanischter Sprit bracht. Sider simer chli ir Lagune umetribe.
Gäge Abe simer no hurti füre is Dorf id Apothek wäg Wasser wo d Marina im Ohr het gha. Für Heim heimer de kes offizieus Taxi me gfunde u si chli ga umefragä ob üs öper chönnt mitnä. Sone Typ, wo no het müesse ufne Gast wartä het üs de bis churz vor z Hotel mitgno. Ds Äxtra a däm schrottige Bus: di hingeri Türe isch nid zue gangä. So simer um di haubi Inslä düset, agnähmi Früschluft inklusive. Nach dere ganztägige Action heimer gfunde, mir weuge entspannt Znacht ässä u nid i däm riise Tamtam im Hotel. Mir si de i di nächst besti iheimischi Beiz u hei Fisch u Pommes gässä.
Zrugg im Hotel isch gad e polynesischi Tanzuffüehrig in Gang gsi.
Strand, Ligistüeu, weni Lüt, genau nach üsem Gusto.
D Houptstrass rund um d Insle.
Weni Verchehr u am liebschte zmitts uf dr Strass ds Fuess ungerwägs...
Ziu vo üsem Usflug: Shopping.
Ds einzige Lädeli i däm "Quartier" ir Nöchi vom Hotel.
Klein aber fein, oder wi chönntme däm sägä wes riise Raceletteöfe git, aber d Güezi wome chouft Schimmu u Fiichli dinne hei?
Vor 5 Jahr het d Marina hie Geburtstag gfiiret. Da simer eifach nomau häre wiu z Ässe sehr fein isch.
David Copperfield, Patrick Swayze, Charlie Sheen, Rod Stewart, Ringo Starr, Johnny Depp, Jared Leto si nume es paar vo de Promis wo da scho si gsi ga ässe.
Nachdäm me sich ar Fleisch u Fischthekä usegläsä het wasme wett ässä heissts de wartä u trinkä.
Bloody Mary (Vodka, Tomatesaft (Dr Tinu hassets) u Gwürz) für d Marina bis z Menue aruuscht.
Dr letscht Tag ufem `Festland` vo Bora Bora.
Vorem Bungalow no chli ga schnorchle, dört hei si e künstleche Korauegarte agleit.
No es letschts Mau d Füess ufe ha u d Ussicht gniesse bevors de es Hotel witer geit.
Dasmau hei mir nid angers chönne aus mitem Hotelböötli dr Transfer ds mache. Da ds Hotel ufemene Motu (vorglagerets Inseli) ligt.
5-Stärn... Luxus pur..!
Drinkli, Gepäck trage, Goufwägeli statt loufä..
S.O.S. u gägesitigi Motivation das izt dürezzieh weme scho mau ide Flitterwuchä isch!
Ds Over-Water-Bungalow wos zum Flitterwuche- Special- Priis gä het isch defintiv immerno di tüürsti Investition ine Hotelnacht gsi!
Knapp im Zimmer hei mir scho üse Welcome-Schämpis übercho..
Zit zum abefahre u merke wo dasme da itz glandet isch für di nächste paar Täg!
D Ussicht uf z Festland vo Bora Bora mitem Mount Otemanu.
Bora Bora isch vo obe gseh z perfekte u klassische Atoll. E Zentralbärg u drum es Koralleband mit zauriichä ufligende Motu. D Atollbiudig isch scho sowit fortgschritte, dass dr Krater vom Zentrauvulkan bereits versunke isch. Nume no paar Teili vom längst verwitterete Kraterrand luege übere Meeresspiegu us. Da drunger isch di höchsti Erhäbig vor Insu dr Mont Otemanu mit 727 M.ü.M. dr Mont Pahia mit 661 u dr Mataihua mit 314 M.ü.M..
Obwou dases uf dr Houptinslä o sehr schön isch u me sich ono chli besser cha fortbewegä ischs äbä aber chli schöner da usse ufeme Motu..
Kitschigi Sunneuntergäng vorprogramiert.
Danke Vuio!
Polynesisches Buffet im le Meridien..
Krabbelsache, Fischä, Muschlä. Naaja. Buffet heisst zum Glück me cha eifach chli probiere u es gub no angeri Variantä bevor me mues spöiä!
Zum Dessert sone richtig künschtlechi Tanzuffüehrig.
Da si mir haut vom letschte Mau und am Heiva totau verwöhnt.
Es seriöses Tanzturnier isch absolut nid z gliche wi es Turischte-glücklech machä mit chli Popo-schüttel-schüttel.
E rägnerische Start ine nächste Tag, trotzdäm wunderschön..
U nachem Rägä schiint d Sunne u nach dr Sunne da schneits, Gottlob nid in Französisch Polynesie!
E flotti Ussicht am Morgä vertribt Chummer u Sorgä..
Weme de dert überhoupt het!
Scho simer ufe nächst Usflug.
Äxtraspecial Musigunterhautig mit nur dünnem Tüechli um die Lenden.
E gueti Haubstund heimer fasch aui 5 Stärn Hotels abgfahre bismer aui an Board hei gha.
Nächste Stop zum schnorchlä mit Stachurochä u Blacktip Sharks.
Nach au dene Jahr kenne di Tier fang ds ganze Prozedere u chömme immer widr cho luege was luft oder obs öpis z frässe git we Böötli häräfahrä.
Leider.
Üse Guide het verzeut, dass ide letschte 5 Jahr dr Turismus sehr stark gwachse isch u sehr vieu veränderet het. Aui chöme vo de umligende, chline Inseli i Turismus cho schaffe wiu das mitlerwile fasch di einzigi Chance isch zum schaffe. Lernä vo richtigem französich, änglisch, chinesisch und italiänisch isch ein Muss.
Di asiaschite Turischte rettä wo vo de Fischschwärm Panik schiebe, es Musigständli, lernä wime mit nume emene chline Tüechli umbunde cha ga badä..
Tönt nacheme spannende Job amne durchus schöne Arbeitsort.
Ungerwägs z Bora Bora.
A üsere Ungerkunft vo letscht Mau verbi (mittlerwile henne izuhnet) verbi amene Böötli vou Ihemischer umene riise Böötli vou Turischtä.
E churze Abstächer usem Riff..
Ja de ab is Meer ga schnorchlä. Da heimer tatsächlech nach langer Geduud i ca 7 Meter Tiefi e Zitronehai gseh. Ganz fridlech umetuckeret miteme Huufe angerer Fische wo mitgfahre si.
Ufm Rückwäg zum Hotel no es leckers Buffet a früsche, henne feine Frücht u leckerschts Bananebrot ever ever ever..
Nachere churze Pouse widr ab is Meer!
Das mitem Stand Up paddle isch no schnäu mau gange, elegant isch aber angers
u cha nume dr Dinu guet.. Nid schlächt mit dere Kulissä?!
Dür z Hotel striehlä bevor d Sunne unger geit..
Es het sogar es Aquarium.
Sunset time..
Hübsch, nid?
Nacheme gmüetleche Sunneuntergang simer a ds Soirée Spéciale.
Mitem Boot zrugg uf z Festland und dert a letscht Heiva i Bora Bora.
Jedes Jahr im Juli isch Heiva Festival.
Ungerteilt i künstlerischem Wettbewärb Gsang u Tanz u Sport mit Speerwärfä, Steihebä u Pirogenrennä / Kanu.
D Tanzgruppe wos bis uf Tahiti schaffe si i zwöi Kategorie ungerteilt.
Huraavatu für Amateurtänzer u Huratu für Erfahreni.
Nach dr Christianisierig dür d Londoner Missionsgseuschaft im früeä 19. Jahrhundert si d Verbote gäge "laszive Lieder, Spiele oder Unterhaltung" vom Chünigspaar ufghobe wordä. D Fiir 1880 vom französische Nationaufiirtag het quasi d Rückkehr vo au denen traditionelle Festlechkeite ufghobe. Zersch ungerem Name Feste von Tiurai u 1985 aus Heiva. Gott sei Dank müesse mir mau no amerkä!
Schwizä u paniert mit Sand luege isch das höchste der Gefühle.
Da hetme outomatisch z Gfüeu es knirsch bi eim säuber überau!
Die frisch verheirateten:
Palmen und Kokosnusliebhaberin Marina und
langhaarträger Martin oder so.
Geniessen ihre Flitterwochen in einem schick gepflegten und pfiffigen 5 Sterne Paradies am anderen Ende der Welt..
D Steigerigsform vo Bora Bora?
Chunnt.
Ab a Flughafe mitem Hotelboot..
Dr Präsident Jacques Chirac het 2005 em Euro für z Jahr 2007 zuegstimmt - sofärn di drü betroffene Territorie sich einig si. Für Französisch Polynesie isches 2006 klar gsi zum Euro z wächslä. Wallis u Futuna weisech ar Entscheidig vo Neukaledonie aschliesse u bi dene isches immerno nid klar. Churz nach üsem erste Bsuech z Polynesie hets im 2014 e nöii Banknoteserie i Umlouf gä. Gseht auso no nid nach Euro us.
Maururu roa Bora Bora!
Miteme feine Ananassäftli uf di nächsti Inslä mit Zwüschestop uf Rangiroa..
