DEUTSCHLAND / ÖSTERREICH 2017

"Oans, zwoa, Flittarn"

Irgendwie Flitterwuche Part 1. 

Mir hei d Uffahrt gnüzt u si mitem Bus los.

Absolut romantisch üsi ersti Übernachtig z Forrenberg. 

Burger King, e feine Wy u ganz viu komischi Lüt uf dere Raschtstett..

Übere Bodesee, Östrich nach Dütschland.

Z Dütschland am Hopfensee acho heimer üs es Velo gmietet u si Richtig Füssen.

Füssen isch e Stadt im bayerisch-schwäbische Landkreis Ostallgäu.

Es härzigs Stedtli zum entdeckä..

Malerisch..

Erkentnisse über die Ehe..

Leckers Mittagässä zumene attraktive Priis..

Nach däm feine Zmittag ischs zrugg ufe Camping gangä.

Dr Abä la usklingä bimene schöne Sunneuntergang..

Danke Vujo!

Eini vo de gröschtä Turischteattraktion z Dütschland, Schloss Neuschwanstein.

D Schloss steit im südleche Bayern u isch ab 1869 füre bayrisch Chünig König Ludwig dr 2t aus e Ritterburg errichtet. Dr Chünig het aber nume paar Monet im Schloss gläbt, da är no vor dr Fertigstellig gstorbe isch. 

"Neue Burg Hohenschwangnau" treit sit 1886 dr Name Schloss Neuschwanstein.

D Schloss wird jährlech vo ca 1.5 Millione Lüt bsuecht. 

D Heufti vo dene 1.5 Millione si zimlech sicher mit üs dert gsi!

Me cha ufe und abe loufe, es git e Bus wo nume ufe fahrt oder me nimmt d Pferdekutschä.

Nägst Jahr im 2018 sit 10 Jahr bi üs..

Vo Bayern ab is Tirol..

Dr Plansee ligt i de Ammergauer Alpen und isch dr zwöitgröscht natürlech See im Tirol.

Sehr chaut, aber sehr schön. Es erinneret eim fasch chli a Kanadas Nationaupärk.

Nachere chüehlere aber gmüetleche Nacht ufem Camping simer witters..

Ab uf d Zugspitzä. Garnid so eifach. D Seilbahn isch nämlech gad ernöieret wordä u so hei mir mitem Bähndli ufe müesse. Da dr Zug vo Garmisch scho übervou isch cho, heimer dr nächst Zug müesse nä und irgendwie Ewigs am Bahnhof wartä..

Mit 2962 Meter isch das dr höchscht Bärg in Dütschland. Ds sogenannte Zugspitzmassiv ligt im Nordä vom Tirol und d Gränze zwüsche Dütschland u Östrich verlouft dert obe übere Westgipfu.

Me het e wunderschöni Ussicht ufe Eibsee!

Dr Eibsee giut aus schönste See ide bayrische Aupä. Zu Rächt.

Dr Namä vom See isch uf d Eibe zrüggzfüehre, wo früecher ume See um sehr verbreitet isch gsi. Hüt zu Tags isch d Eibe numeno usserhaub vom See azträffä.

Am Eibsee chame wunderbar fische we Saison isch. Dämentsprächend hets de o Lüt dert. Mir hei üs nid weue vorsteue wi ds ide Summerferie a däm See chlepft u tätscht wes üs scho im Mai z viu Lüt het..!

Di letschti Nacht vor dr Heimreis heimer no in Garmisch buechet. 2 riisigi Campingplätz gstopft u vou. Schiint auso nid nume bim Hansi Hinterseher beliebt z si..

Und sie mache das wosi immer machä.. Ässä, trinkä, gniessä. Si ja schliesslech irgendwie di erste Flitterwuchä!

So isses!