COOK ISLANDS 2017

Einisch meh mit Sparbilliet ungerwägs..

1. Klass olé!

Um die haubi Wäut flüge, git dämentsprächend o es paar Boarding-Päss.

Züri - Singapur - Auckland - Rarotonga

Reini Flugzyt: 26h u 15 Minute

Let's go!

No vorem Abflug si mir gfragt worde ob mir gärn es Cüppli hätte..

Mir hei im erste Momänt scho gmeint mir heige irgendöpis verbroche oder müesse widr usstigä!

So isches cho, dass mir aus Einzigi ir Economy am Cüppli ghanget si-

Swiss-Mafia, merci Jasmine & Joel!!!

Ungerhautig für die nächschte 12h nach Singapur.

Guete Flug! Vorauem viu Glück bi däre Programmuswau.. Jasmine, es git no Redebedarf!

Bitte no meh Cüppli!

Dr erst Stopover und hello again Singapur. E chline Spaziergang im Flughafe-Sunneblueme-Garte bi wahnsinnig höcher Luftfüechtligkeit u wider mau es asiatischs Süppli trotz Überfütterung im Flugzüg. Mmmmmmmmmhhhh...

Zwöite Stopover und hello again z Auckland am Flughafe, langsam übermüedet u bi nidrigste Temperature! Notiz a üs:

- bim Retour flügä Techine usem Flugzüg mitnä!

Nach wittere 4 Stund heimers de uf d Inslä Rarotonga gschafft.

Welcome to Cook Islands!

Kia Orana

Rarotonga isch di am dichtist besidleschti Inslä u di gröschti vo de 15 Cookinslä. Am Abe spät acho, ke Ahnig womer si u wis usgseht. Mitem Taxi simer is Hotel, no hurti duschet u hei de ändlech es Bett gnossä.

Nachere churze Nacht simer am Vormittag mit Air Rarotonga scho wider abgreist u si nach Aitutaki gfloge, ca 230km nördlech, Flugzyt öppe 50 Minute.

No chli früschi Luft vorem Abflug...

Dr Flug isch quasi e Privat-Rundflug gsi. Pilot, Co-Pilot u 2 angeri Passagiere. Sitze wome wott, umelauere wime wott. Üses Guschto.

Dr Nachteu a sore chline Maschine isch jedes chlinä Cumulus a Wuuchä u Wind. Zum Glück simer schnäu derdür gsi u d Übukeit isch sofort widr gwichä.

D Ussicht isch scho mau nid so schlächt gsi..

One Foot Island

Scho mau vo Obä gluegt wis de usgseht..

Dr Südsee-Troum schlächthin!

Aitutaki, 18 Quadratkilometer gross u het ca 1900 Iiwohner.

Aitutaki isch es sogenannts gekipptes Atoll.

Die erste Ufzeichnige überne Entdeckig vor Inslä dür Europäer stamme usem Jahr 1789.D Missionare vor London Missionary Society si 1821 glandet u hei dert us erschti ds Christetum unger de Polynesier verbreitet.

Im zwöite Wäutchrieg isch vo amerikaniche Truppe d Start u Landebahn bout worde u dient bis Hüt no füre Flugverchehr. Nachem Chrieg isch d Lagune aus wichtige Zwüschestopp uf dr sogenannte "Koralleroute" vo de Flugboot zwüsche Neuseeland u Tahiti gsi. Di Koralleroute isch e Flugbootlinie us de 50er Jahr vo Neuseeland über Fidschi, Samoa, dr Tankstopp uf Aitutaki nach Tahiti gsi. Dä tagelang Flug isch di einzigi Alternative zur mehrwüchige Schiffsreis zu dene Südseeinslä gsi u mit dr Ifüehrig vo de Düsemaschine isch di Inslä nümme atraktiv gsi.

Kia Orana - Welcome to Aitutaki

Es Lei, e Bluemechötti wo me bi Akunft im pazifische Ozean überreicht bechunnt. Zu üsere Fröid mit Frangipani, üsem Blüemlifavorit!

Nachere eigentlech sehr churze Fahrt (chlini Inslä, Hotel fasch näbem Flughafe) simer de oscho fasch bim Hotel acho.

Da ds Hotel ufemene Inseli gläge isch, simer vom Outo ids Böötli, quer übere Kanal gschipperet u dört empfange worde. Früecher hets dört e Brügg gha, aber d Iwohner si sech nid sicher ob die dr Bsitzer vom Hotel het la abrisse oder ob se es Unwätter tatsächlech het verwüeschtet wime seit. Die erschti Option tönt plousibler, da dr Bsitzer d Insle ja nume für Hotelgescht wott u keni Tagestourischte.

Koraue u Hibiskus. Sone Deko chönnte mir üs z ganz jahr sehr guet vorsteue..

Adieu Wiehnachtsboum, adieu Osterboum!

Ändlech acho a üsem erste Ändziel.

Es Bungalow mit Meersicht, Ligestueu, Palme, Sand..

..u witt u breit ke Peter Räber.

Entdeckä, entspanne, gniessä..

E Tagesusflug i Houptort Arutanga het nid dörfe fähle. E lustigi u erneut tendenziell churzi Fahrt im verrostete Hotelbus mit meh oder weniger kene Brämsä ines sehr verschlafnigs Dörfli.

Mir si üs so lustigi Usflügli ja fang scho gwahnet, di angere Turiste im Bus hei nidso dr Idruck gmacht.

Immer wider interessant für üs si d Lädeli u `uswärts` ässe. Mir chöi üs o tatsächlech sehr guet vertöörlä. Während mir no gmüetlech ikouft u no öpis gässe hei si di angere scho ungeduudig ga wartä für retour.

Die einzigi Tanksteu uf dr Insle mitere guete Uswahl a Glace.

Mitem Kajak (dr Tinu isch Farbetechisch klar vo mir zwunge worde) vorem Huus ab uf z nägste Inseli.

Garnid so eifach wes geng widr Koraue u Ströhmig het..

Ungerwägs..

Zum Dessert nacheme feine Fisch hets de im Hotel e rassigi u südseemässigi Tanzuffüehrig gä.

Neue Tag, nöii Kokosnuss zum Zmorgä..

Ab zu neuen Ufern. Mitem Kajak heimer üs wider eine abpaddlet.

Dises mau simer bi üs um z Inseli um gruederet..

..und uf Sandbänk ufglüffä..

Me lidet sich i so seichtem Wasser u sore Ussicht lauwarms Kokosnusswasser z trinkä.

Zur Erholig ufem Ligistueu no z grächtem..

Mir finges ja aube no guet wemer nid geng im Hotel müesse ässä. So simer uf d Suechi nach Fuetter..

E sone Entschlöinigung chönntme o mau widr vermehrt ir Schwiz zelebrierä!

Zum Glück nid witt wäg heimer es guets Restaurant gfunde.

Fisch, Fisch, Fisch und no Fisch..

Neue Tag, nöii Kokosnuss. Oder zwöi, oder drü..

Fragä?

Mit de Bishops simr uf Tagessusflug.

Zieu: One Foot Island womer usem Flugzüg hei gseh..

Ungerwägs..

Erste Haut. Hübsch..

Scho da hättemer eigentlech gad chönne lenger blibe..

Nächste Haut: Schnorchlä mit Stachu-Makrelene.

Die Art Dickkopf-Stachel-Makrele wird bis zu 170cm läng u 80kg schwär.

Aue Schmuck mues abzogä oder mit Chläbband abdeckt wärdä damit me nid aknaberet wird. Abbissä chöngesi nüt, aber es däng sehr weh wesi nach glizerigem schnappä..

Vorletschti Ändstation: Sandbank..

Hie heimer dörfä usstigä..

Einisch quer über di chlini Inslä u bestens usgrüstet für uf di nächsti Inslä..

..nämelech z Fuess ufem Wäg uf d One Foot Inslä..

D One Foot Inslä isch ds Ziu gsi vo üsem Tagesusflug.

E Bsunderheit isch, me cha sich dr Pass la stämplä..

Chli umewandere u d Inslä erkundä bises Zmittag git..

Es leckers Fuetterbuffet im Paradies!

Bon App!

Aschlissend no chli verwilä.

Badä u witter entdeckä!

So dr ganz Tag chönntme sich schono arrangiere für lengeri Zit..

Sehr kitschig, aber sehr schön!

Am nächste Tag hets gheisse:

Happy Birthday Marina &

nöie Tag, nöii Inslä

Das isch mau es ökologischs sinnvous Flugticket. Zrugg uf d Houptinslä Rarotonga.

Dert acho heimer nidso gnau gwüsst wasmer mit de verblibende Stunde bis zum Aschlussflug machä. Nach lengerem Sueche heimer de e Müglechkeit gfunde di grosse Ruckseck izlagere. E nätti Damä us Australie het üs de verzeut si göngi aube mitem ÖV einisch um d Inslä. Sehr gueti Idee. U so ischs cho, dass mir mit ihre u ihrem Maa dr Bus abgfange hei, da nidso klar isch gsi vo welere Sitä är zersch chunnt und wo daser de gnau hautet.

Nachere lustige Fahrt mit Iwohner u Turischte einisch um d Inslä simer de im Houptdörfli usgstige u si derdür gstrielet. Immer widr spannend si d Ichoufslädä.