TURKS & CAICOS 2015

Vilä dank 20 Minute füre Bitrag vor üsere Abreis. 

D Turks und Caicosinslä isch es britisches Überseegebiet im Atlantische Ozean. 

Turks lehnt sich am Kaktus mitem rote Fruchtkörper Melocactus intorus "Turk's-cap catus" ab und Caicos leitet sich co caya hico "Inselkette" ab. 

Mitere chline Hampfele Lüt (mit üs ca 12 Lüt, wobi öppe d Heufti witter nach Jamaica flügt) heimer üs z Fuess ufe Wäg vom Gate zum Flügerli gmacht. Freii Sitzwau. Perfekt.

Strateegisch sicher heimer üs uf beidne Sitä plaziert.

Das hetsech wider mau bezaut gmacht.. 

Immer wider schön amene chline, unhektische Flughafä azcho.

Ds ireise isch du doch lenger gange aus dasmers kenne a so chline Flughäfä. 

Zersch simer ewigs lang agstandä wiu 2 voui Linieflüger si acho u di flotti Lottä am Schauter het üses Reiseprogramm warum o immer nidso verstandä. Warum das mir vo Züri über Madrid nach Santo Domingo u vo Santo Domingo uf Turks si cho. U warum mir überne Zwüschestop nach London u Züri retour Flüge. Wiso nid? Das hätemer am liebste di Lottä gfragt wiu die eifach nume geng dr Chopf gschüttlet het miteme unverwächsubare Usdruck vo Skepsis. Mir hei üs du geiniget dass d Lottä ke Spass ma verlide us du lasi!

Per Taxi-Van simer sofort i richtig Wiukommens-Frucht-Rum-Saft düüset..

Amerika lässt grüssen. Üses Hotelzimmer isch zu üsem erstuunä e mehbesseri amerikanischi Wohnig gsi inklusive amerikanischi Fernsehsänder.

E Troum für d Marina! 

Üse "Hus-Strand"..

Är isch perfekt für Sunneuntergäng..

Kitsch ahoi!

E Tagesspaziergang am Strand. Öppe 4 Stund, X Km mit Badepousä bi fasch 30 Grad ar braatende Sunnä.. Zrugg heimer du es Taxi gno wiumer nümm hei mögä! 

Badä, badä, badä, badä, badä, badä, badä u badä..

Ja, mir wei!

Mir steue üs das tatsächlech sehr schön vor. Inmitten vo grosse Hotelalage, am überfüute Ami-Turistestrand, schlimmer Chartmusig vor Bar mit Ussicht uf rotbrönntä Plautzä hüratä.. 

Mitem Beachcruiser Velo ab i tüür Supermakt..

Unger andere übertüürtä Läbesmittu (2-3x so tüür wi ir Schwiz) heimer, klar, müesse Rum choufä.

Dr iheimisch Bambarra Gold. The spirit of Turks & Caicos.

Wius so schön isch gsi no mau e angere Sunneungergang am Husstrand.. 

Üse Tagesusflug het scho am Morge früeh guet agfangä.. 

Churz nach de 8.00  het üs dr Portier vore ar Rezeption weue düredräiä wiu är dänkt het mir sige z spät u üses Taxi isch scho ab. 2 Minute speter simer pünktlech abghout wordä. Witter isches gange dermit, dasmer meh Lüt hei müesse mitfahrä aus das eigentlech Platz hät gha. Schöselä u sexistischi Sprüch u dr Charre vou Amerikaner lässt grüssen. Ändlech ufem richtige Schiff vor de 9.00 si d Texaner scho im 2te Dosebier gsi.

Buff, eine vo üsne Käptäns isch üs zum Afang ga 4 Conch Muschlä, füre Salat zum Zmittag, touchä. 

Aschliessend heimer im 3 grösste Riff vor Wäut gankeret u hei chönne ga schnorchlä..

Es het tatsächlech o amerikaner wo sich wi d Asiate benämä uf somene Schnorchu-Usflug. Si merke ersch uf offniger See dasme itz Wasser mues zum schnorchlä u ersch wesi im Wasser si u ungergö dass si ja garnid chöi schwümmä. 

Ungerdessä het Captain Checron üses Mittagässä zuebereitet u mit Tomate, Zibele u Peperoni Räschtä d Fische gfüeteret. 

Blau, blauer, am blaustä, dä Strand..

Chli chliner aber nid weniger forsch hets o dert Leguane gha..

Kitsch ahoi NR. 2..

Kitsch ahoi NR. 3

Üses Zmittag vor dr "Verarbeitig"..

Conch. Die sogenannti Fechterschnecke heimer scho in Florida amene Strand mau gfunde. Dert sisi aber zimlech agriffslustiger gsi aus hie..

Me schleht mitem Hammer es Loch, aschliessend schnitme se dert vor Muschle ab. När wird no aues angere Überflüssige abgschnitte bis numeno e Handgrosse Bitz übrig blibt wome de cha ässä. Conch-Salat (Fächterschnägg, Tomate, grüeni Paprika u Zibele) hets bi üs drus gä, wasmer itz nid umbedingt usserordentlech fein gfunde hei. 

Fundstück im Meer. 

Eine vo ca 1600 verschidene Seestärnartä.

Blauer Kitsch.. 

Schnorchelnixe Martin 

Das Schwimmbecken musste geteilt werden mitem Räschtä vom scho überbetrunkene Partyboot!

Apropo Partyboot. D Stimmig ufem Höhepunkt het die einti oder di angeri hingerem Boot d Fischä gfueteret..

Vilich de z nägste Mau i eim vo dene Hüsli wohnä heimer üs dänkt!!

Kitsch NR. 10045..

Sunneungergang am Turtle Cove

Jede Friti Abe louft ds Fish & Fry Festival am Turtle Cove. 

Iheimischem Ässä, trinkä, Musig u für di anwäsende Turischtä schlimmi Feriemitbringsu.

Unger de Iheimische hets dr eint oder dr anger spezieu "Kolleg" wome churzum nam Dutzis mues abdüsä!

Dr letscht Tag am Strand..

Churzum mit Donnerwetter im Paradies..

Am letschtä Tag, churz nachdäm mir uscheckt hei, hets no mau so richtig zuetah u abegschüttet wine Moohrä. Zum Glück heimer üses Gepäck no chönne deponiere da üse Flug ersch am Abe gange isch, u heis de dochno chli chönne gniesse miteme letschte schwumm im blau, blau, blau langsam chli dunkublau, grauschwarz..

Mitem Flüger vo Turks & Caicos simer über Anguilla im Zwüschestop nach London u vo dert zrugg uf Züri. Nach über 26 Stund simer de ändlech umä Dahei gsi.