STRASSBURG 2016

Fürnes verlengerets Wucheänd, ganz genau a Tinus Geburtstag, ab i di grösst Stadt im Eusass. 

 Di e röimischi, usere keltische Sidlig entstandene Vorgängersidlig het Argentorate gheisse, mittuauterlichi Namensformä wi Argentina si no bis ids 16./17. Jahrhundert z finde gsi. Dr itzig Name mischtsech dür z authochdütschä "Herrenstrasse" Straze und "befestigte Strasse" burg zämä. Stradeburgum, Stradiburg, Strazburg u Stradeburgo si no so paar Variante gsi. 

Ds Elsass isch es super Gebiet für Wy. Überwiegend wärde dert Wiiswy gmacht us de Räbsortä:

- Riesling

- Pinot blanc

- Gwürztraminer 

- Muscat

Ja das nämemer. I dere Reihefoug.

Dr Wiehnachtsmärit het gad agfange u dämentsprächend isch di ganzi Stadt vou mit Wiehnachtsdeko..

Dr aujährlech Wiehnachtsmärit giut aus eine vo de eutiste z Europa. Zerste mau heter im Jahr 1570 ungerem Name "Christkindelsmärik" stattgfunde.

Es het ca 300 Ständ a 10 verschidene Orte ir ganze Stadt.

Glüehwy testä..

Härzegi Wiehnachtsdeko. Mau angers, oder?

Das widerum isch de chli gäi Kitschig no miteme DJ vorusse.

Ds Liebfrauenmünster von Strassburg

Pompösi Wiehnachtsdeko.

Da cha Züri mit dr Bahnhofsstrasse ipackä..

Und natürlech dr riisig Tanneboum

Ds Elsass us Ursprung vom Tanneboum. Ir Bibliothek vo Sélestat chame i aute Büecher u Schriftstück di ersti schriftlechi Erwähnig vo Tanneböimverchöif läsä. Di erste gschmückte Wiehnachtsböim sige schiins im Mittuauter im Elsass entdeckt wordä. Am 24 Dezämber hetme dr Tanneboum mit Öpfuschmuck ir Chiuche ufgsteut um a Paradisboum u d Frücht vor Versuechig z erinnerä. 

Nadisna isch e Hostie (Opfergab) wi Brot aus Zeiche vor Euchastrie (Abendmahl) ur Erlösig derzue cho. Im Verlouf vo Jahrhunderte hetme d Tannezweige bi sich Daheime dürne gschmückte Tanneboum ersetzt. Di erste Tanneböim hetme ar Zimmerdecki ufghänkt u mit chline rote Öpfu dekoriert wo me "Christkindle" gnennt het. Abem 16. Jahrhundert si Rose u angeri Blueme us Papier oder mängisch o fiin, vergoudeti Metallblätter derzue cho aus Erinnerig a Jesseboum u ad Wiehnachtsrosä.

Ändi 18.u Afangs 19. Jahrhundert hetme d Böim vergoudet u versiuberti Nüss dra ghänkt. D Opfergab Brot heis dür Bredle, Zuckergebäck, Marzipan u Anisgüetzi ersezt. Ir zwöitä Heufti vom 19. Jahrhundert hetsech dr Bruch vo usgschnittne u im Relief druckte Laggbiuder verbreitet wome uf Zucker u Schoggifigure kläbt het. D Zuckerglasur isch erfunde u somit d Bredele, auso dr Läbchuechä bestriche wordä. Schlussändlech hetme de d Laggbiuder ufe Läbchueche kläbt. 

Tja. U was machemer itze aues für Züg a dä Boum. Über was schüttlemer hüt zu Tags dr Chopf u was wär eigentlech traditionell u dr Sinn?

Ungerwägs..

Am Abe isch no feiechli öpis los gsi obwou d Ständ scho zimlech früeh zue tüe. Öffnigszite si vo 11.00 - 20.00

Zum Glück het dr Wurst- Spezialischt no off gha.. 

Wurst mit Piuze drinne, mit Chnoblouch.. Würscht, Würscht, Würscht, Fleeeeeisch.. Guet. Stop. 

Amene schöne Tag hetme super Ussicht uf d Stadt vom Münster obe achä. Das gseh aber meistens aube no söfu viu Lüt dasme bi Spitzezite e Warteschlange vo mehrere Hundert Meter und öpe e Wartezit bis zu 1 Stund het. Nope..!

Ungerwägs..