NORWEGEN 2016 / 2017
Suuuper Stimmig am Flughafä Gänf.
Wär sich itz fragt ob MAHOS-Reiseservice AG itz Gruppeferie abietet.. Ja.
Dismau si beidi Brüetsche vor Marina;
Joel u Swen u ds Schmuusi Angela vom Swen derbi.
Je meh Hostettlers uf einisch umso schöner. Gsehtme doch.
Switzerland 12 Points!
Me sött ds Getränk u d Drinks bitte bsteue u zahle im Flüger.
Mh. Machemer.
Cola heimer brucht u kouft fürne Captain Morgen z nä. Zum Glück heimer dä no kouft, dää Drink hätesi nämlech nid gha.
"Duty Free Snus Paradies"
Snus isch e in Norwegä u Schwede wittverbreitete "Oraltabak". Snus het in Skandinavie e längi Tradition. U so gits di eutischti Snussorte
"Ljungslöfs Ettan" scho sit 1822.
Di französischi Revolution het ds Ändi vor obere Klass verursacht wo somit nadisna dr Schnupftabakkonsum beändet het. Napoleon, e Befürworter vo Schnupftabak hetne de churzzitig wider etabliert bis zu sim Fau 1815. Aschliessend isch dr Schnupftabak sofort autmodisch gsi. Di Mächtige hei agfange Zigarre rouchä. Ufgrund dr politische Entwicklig u Meinig zu Schnupftabak in Schwede si au di Sache regurächt ibrochä. No vor 1800 hei d Schwede eigentlech agfange es Stück Tabak unger d Oberlippe z tue. D Bure hei wider vermehrt agfange dr eiget Tabak für z eigete Snus azbouä.
E Schwed z Norwegä. Zwar mit W u komische Nachname, vilich usem höchstä Nordä?
Öpis wos z Oslo in Hülle und Fülle git, 7 Tag ir Wuche.
Biertstubene u Pubs.
Oslo isch d Houptstadt vom Königrich Norwegä. Mit ca 770.000 Iwohner isch Oslo mit Abstand di grössti Stadt im Land.
Dr ursprünglech Name vor Stadt isch Oslo. Im Mittuauter isch d Stadt ar östleche Site vor Bucht unerhaub vo Ekeberg gsi. Nacheme zimlech zerstörerische Stadtbrand im Jahr 1624 hetme beschlosse d Stadt am hütige Ort woder ufzboue use uf Christiania umztoufä. Ab 1877 hetmese Kristiana touft u ab 1925 hetsi de wider dr ursprünglech Name Oslo übercho.
Z Operehuus vo Oslo sit 2008.
Nüt umbedingt schöns u gloub o nid würcklech schlau konstruiert.
Vom Dach us hetme eigentlech e nid schlächti Ussicht we me de bi Gletti u Schnee uche chäm..
3 x Hostettler
Ungwergäs..
Oslo isch definitiv e Stadt vor Wanderig..
Z Radisson Blu Hotel mitere guete Ussicht uf Oslo ir Sky Bar, 34 Etage
Uf dr Spiischarte imne norwegische Restaurant
Walfisch
Renntier
Walfisch = nei danke
Renntier = testet aber nid wahnsinnig fein
Internet u Ishockey..
Hansa. Ds iheimischä Bier us Bergen.
D Hansa Brauerei isch 1891 gründet worde wo dr Waldemar Stoud Platou die chlibürgerlechi Brauerei het überno. Dr Name "Hansa" seu d Gschicht vo Bergen aus ä Hansa- Handelstadt zeige.
Hanse / Hansa isch d Bezeichnig für die zwüsche Mitti 12. ud 17. Jahrhunderts bestehendi Vereinigung vo niederdütsche Chouflüt mitem Zieu grossflächig gmeinsami wirtschaftlechi Inträssä z verträttä.
Am Morgä früeh..
Quatsch. Öpe am 9.15 isch d Sunne uf. Abä ischsi ca am 15.30.
Da heimer doch ds schlummrige Tagesliecht gad fürne Usflug usgnüzt..
Mit dr Metro ischs i ca 40 Minute i Richtig Holmenkollen.
Dr Holmenkollen isch e 371 Meter höchä Bärg nordweschtlech vo Olso und beherbergt e begehbari Sprungschanzä.
1892 het dr erst Skisprungwettbewärg am Holmenkollen stattgfunde. Dr lengscht Sprung isch 21,5 Meter gsi.
1896 dr E.C. Richardson isch dr erst usländisch Springer dert gsi.
1902 dr 50 km Langloufwettbewärb klassischer Stil wird uf däm Sportareau igfüehrt.
1922 / 1923 nimmt dr norgwegisch Kronprinz Olfav am Skispringe teil.
1952 finde di olympische Winterspiu in Oslo statt u d Arena wird erwiteret. Es git e unerwartete Zueschouerrekord.
1954 dörfe z erste Mau d Froue am Langloufwettbewärb teilnä.
1980 überspringt dr erst Skispringer (Tom Levorstad) mit 105 Meter d 100 Meter Marke am Holmenkollen.
1982 wird d Skisprungalag miteme elektronische Mässsystem usgstattet.
2000, d Froue dörfe itz o am Skisprungwettbewärb teilnä.
2010 heisi di nöii Ski Arena bout.
Mittlerwile wird di ganzi Alag zum spörtle vo aune Iwohner ringsum gnüzt.
Im Skimuseum chame di 4000 jährigi Gschicht vom Skifahre bestuunä..
Früecher hetme aube no..
Verschidensti Brätter am Meter..
Gueti 3/4 Stund astah für i Lift. Zum Glück hets gratis Internet dert u es isch Ishockeymatch cho.
Norwegä / Oslo i sire ganze Pracht a Sunne u Tagesliecht..
Ds Grüppeli vo MAHOS-Reiseservice AG poset zu wärbezwäcke..
1.
2.
Okeeey..
3.
Ja wär wett scho nid bi dere herrlechä Ussicht mit 2 lütze Brätter unger de Füess i dä chli Chänu sirachnä u no hurti brämsä uf de letschtä paar Meter..?!
15.00, di letschte Sunnestrahlä..
Es macht eim tatsächlech chli müeder wes nume so churz u chum häu isch.
Das isch mau e Usrüschtig..
Ä Troum wird wahr..
Es Bäuelibad mit Platz für aui. Me chunnt nid so wi im Mc Donalds dürne munzigi Öffnig eifach dri u ke Mitarbeiter schriist eim wider use wiume ds gross isch u d Chind drumum verlezt..
3 Wickinger
Pünktlech zu Siuvester hetme di schöni Kluft füregno..
Pünktlech, guet dekoriert, versorgt mit Wiehnachtsgüezi u Rum zum Mitternachts- Ereigniss Siuvester 16/17.
Leider isch genau uf di 00.00 dr Näbu so dermasse ufzoge dasme absolut nüt vom riisige Fürwärch gseh het..!
Ja was mache wes Näbu het..
Rum Cola uffüuä!
Norden - Power - Bros
So. 8.15 uf dr Matte stah u uscheckä. 5 Lüt mit Gepäck.
Di gueti Frou ar Reception womer fürnes Taxi z bsteue beuftreit hei (ds machtme in Oslo so u geit eigentlech sehr schnä).. Es isch e Chliwage cho. Guet, nei, ds het die doch nid bsteut. 20 Minute speter immerno am glichige Ort heimer de usegfunde si het dänkt da passt aus dri. Nomau. U Nomau chunnt e Chliwagä.
E munzige Klappsitz im Kofferrum u bis unger z Dach ke Platz me für Luft speter simer zum öpe 5 fach höchere Priis aus härä a Flughafä. Sunnti, Morgä, Festtag, abartige Ufschlag hopp.
Suuuper Stimmig am Flughafe z Oslo..
Dr Rückflug trotz schöner Ussicht uf d Bärge e riisigi Geduudsprob.
Chlini Chind wo gfüeut d Heufti vom Flüger usgmacht hei, si aui uf ei Chlapf totau unzfride gsi..
