LONDON 2010

Fürnes verlengerets Wucheändi si mir nach London u hei üses Zimmer imene sehr ungerhautsamä Hostel am berüehmte Piccadilly Circus gha.

Ds hostel het öppe 9 Stöck gha, Stock 3-7 si i Renovation gsi u es het nume 1 Lift gha. So si mir aui uche gfahrä u abeglüffä. Im Verlouf vo üsere Awäseheit hets de o e Probe-Füralarm gä wi jede Zisti akündiget.. Di vilä verpenntä Lüt im Pijama u zum Teu Blutfuess oder i Gummistifu.. Eifach unbezaubar!

Sherlock Holmes wo im späte 19. u beginnende 20. Jahrhundert i Romän aus Detektiv tätig isch gsi. Jedoch aus erfundeni Kunstfigur vom britischä Schriftsteuer Arthur Conan Doyle.

Är isch sehr bedütend für d Kriminalliteratur wordä dür sini forensischi Arbeitsmethode wo usschliesslech uf gueter Beobachtig u logischer Schlussfougerig basiert het.

St. Patricks Day.

Das isch dr Gedänkstag am 17. März für verstorbnig irisch Bischof Patrick. Är isch ir katholische Chiuchä aus Heiligä verehrt wordä u giutet aus Schutzpatron Irlands.

Mir heis gad preicht u natürlech mitgfiiret.

Ds einte oder angere Bier, dr eint odr dr anger Drink u huufä spezieui Lüt ungerwägs.

Ungerwägs i dä hippä Quartier vo London..

Tagesusflug nach Stonehenge..

Stonehenge isch es ir Jungsteizit errichtetes Wärch wo mindistens bis id Bronzezit gnüzt isch wordä. Verzichtemer ufene riise Chuechä über di verschidene Epochä vor Mönschheitsgschicht u säge eifach dä Stonehenge isch tierisch aut.

Är besteit usere Grabalag us mehrere konezentrische (etwas symmetrisch um iene gemeinsame Mitte Angeordnetes) unbearbeitetä Steibblöck. I dene zwöi spezielle Kreise befinde sich ono einzelni Steinä u uffäuigi Löcher. 

Me isch sich immerno nid ganz genau sicher wenn, dass was erbout isch wordä u wiä.

Stonehenge ghört sit 1986 zum Wäutkulturerbe.

Big Ben isch dr berüehmt Uhrturm am Palace of Westminster.

Dr Gloggeschlag vom Big Ben wird o "The Voice of Britain" die Stimme Britaniens gnennt.

Di ersti Gloggä isch bim erste Versuech id Brüch miteme riise Riss, wiusi 17 statt 14 Tonnä gwogä het. Me het d Gloggä igschmuuzä une nöii gossä. Nach däm di zwöiti Gloggä i Betrieb isch gsi, het si scho gli widr e Riss becho u me hetse eifach dräit damit dr Schlaghammer nümm ufe Riss schleht u d Massivität vom Schlaghammer drosslet.

Dr Turm heisst aber sit em Septämber nümme Big Ben sondern offizieu Elizabeth Tower uf Grund vom diamantene Thronjubiläuem vor Königin Lisä dr 2tä.

Buckingham Palace, d Hüttä vor Lisä um Charles.

Im Jahr 1703 hetme dr Palast us grosses Stadthuus füre John Sheffield, 1. Duke of Buckingham and Normanby bout. 1761 het dr König Georg dr dritt ds Huus aus Privatresidänz kouft. Drufache isch dr Palast 75 Jahr lang vo verschidene Architektä erwiteret wordä. Es het itz drei Flügu une riise Innehof.

1837 isch dr Palast uf Grund dr Königin Victoria zur offizieuä Residänz der britischen Monarchen wordä.

Starch bewacht lacht itz eifach ächt kenä vo denä Soudatä..

Ungerwägs in London..

DIÄ roti Telefonkabinä.

Di ganz erst Telefonzäue in London isch us Beton gsi und het e Houztürä gha.

Di hüttegi bekannte Zäuä (Modäu K1) isch imene Designwettbewärb entwicklet u vo de Behörde vo siubrig uf rot gstrichä wordä damit me se scho vo wittem erchennt. D Telefonzäue isch über au die Jahr dür nöiieri Modäu erwitteret wordä.

Ds Musical Thriller isch gad früsch aglüffä in London u das heimer üs de o agluegt. Aui Hits vom Michael Jackson imene schlussändlech so lala Musical womer uf Grund Neustart es Oug zuedrückt hei.

Es wird nicht glachet u ke Miinä verzogä im Dienst..

Ungerwägs in London..

London Eye / Millenium Wheel.

Z Rieserad isch 135 Meter höch, het 32 klimatisierti Glaskabine u z oberst hetme super Ussicht het uf d Stadt.

D Tower Bridge, e Strassebrügg über d Themse.