FRANKREICH 2011

Dr VW-Bus packt, simer bereit gsi für id Uffahrt z fahrä. 

Scho gli mau uf dr Outobahn hets e Chnutsch gä u mir hei a Gschwindigkeit verlorä. Uf dr 2te Spuhr vo 3 isch dr Tinu gekonnt ufe Pannestreifä usegfahrä. Mit dr Lüchtwestä heimer üs mau Zuegang zum Motor verschafft (ungerem Bett) u gseh, dass dr Keilriemä kaputt isch gangä. Gli mau isch dr TCS cho, het üs u witter zrugg no e angere ufgladä. Im Gedanke heimer üse Duvetazug scho packt mit de wichtigste Sache womer mitem Zug mit id Schwitz zrugg nämä. Zu üsem Glück hei die i dere chline Outogarage no gad e Keilriemä gha une montiert. Nach zwöi Alöif heimer widr witter chönnä.

Mit knapp 3 Stund Verspätig simer du doch no z Cap d Agde am Meer acho u hei üs ufeme Camping ignischtet.

So si mir di Tagä dür Südfrankrich tinglet u campiert.

Marina's lieblings Supermarkt sit Jahre in Südfrankrich. Hyper U!

Vou mit köstleche französiche Leckereiä..

Am Meer, perfekt. Frankrich isch üsi Lieblingsdestination mitem VW-Bus.

Clermont-l`Hérault, es tüpischs verschlafnigs franzoose Stedtli. Schlendere, shoppe u chli sii, ganz nach dr französische Mentalität...

Ungerwägs..

Mä het de d Brügg ds Avignon de glich no gfunge, obwohu ds parkiere dört chli schwirgig isch gsi. Aber spezieu isch si scho die Brügg, wo nume bis i d Heufti vor Rhone geit... U eigentlech het die ou e Name: Pont Saint-Bézénet.

Sur le pont d'Avignon
L'on y danse, l'on y danse
Sur le pont d'Avignon
L'on y danse tout en rang

Sur le pont d'Avignon,
Auf der Brücke ist musique
Sur le pont d'Avignon,
La musique, c'est si bon